Kur bëhet fjalë për ngadalësimin e procesit të plakjes dhe për të pasur lëkurë më të re, lëngjet e freskëta janë mënyra më e mirë për t’u furnizuar me vitaminat dhe mineralet, që nevojiten

LËNGU I DOMATES

Lëngu i domates është plot me antioksidues, sidomos me likopen. Ky pigment është ekspert në luftimin e radikaleve të lira (molekula që mund të dëmtojnë qelizat e shëndetshme, e sulmojnë sistemin imun dhe përshpejtojnë plakjen). Likopeni ndihmon për të pasur lëkurë më të fortë dhe më të butë.

LËNGU I RRUSHIT TË KUQ

Rrushi, lëvorja dhe farat, për shumë vite përdoren si nënprodukte kundër plakjes. Sekreti i tyre është në resveratrol. Është lloj i enzimës, që e hasim edhe te boronicat, manaferrat. Mënyra më e mirë për t’i shfrytëzuar është atëherë kur kanë sezonin e tyre. Përgatitni lëng nga rrushi i kuq në shtëpi në blender, përfshini lëvoren dhe farat.

LËNGU I SHALQIRIT

Përkundër faktit se pos ujit shalqiri përmban shumë sheqer, në fakt ofron shumë vitamina, minerale dhe antioksidues. Shalqiri është i hatashëm për të hidratuar trupin, diçka që lëkurës fort i pëlqen. Mos harroni se përmban shumë vitamina A, një nutrient ky shumë i rëndësishëm për rigjallërimin e lëkurës dhe e mban me lagështi, lufton tharjen dhe rrudhat.

LËNGU JESHIL

Lëngu i lakrës jeshile është klasik, kur bëhet fjalë në ngadalësimin e plakjes. Gjethet janë të pasura me vitamina K, nutrient që është shumë i mirë në parandalimin e sëmundjeve të zemrës dhe osteoporozës. Mos të harrojmë se lakra jeshile përmban shumë nutriente si: minerale, vitamina, fibra, aminoacide omega 3.

LËNGU I SHEGËS

Një nga frutat më të mirë për ta pasur në shtëpi, kur e ka sezonin e vet është shega. Ju ndihmon në uljen e nivelit e koelsterolit të keq, i mirë për të luftuar bakteret në fshikëz apo veshka dhe ofron shumë në pakësimin e rrudhave.

LËNGU I KIVIT

Ju rekomandojmë frytin e artë. Nëse e përzieni me një mollë dhe me pak limon, do të fitoni një lëng të hahatshim për të luftuar plakjen. Antioksiduesit e gjetur në kivi ndihmojnë lëkurën, që të jetë e fortë dhe parandalojnë formimin e atyre linjave klasike të buzëqeshjes. Përmban shumë vitamina C dhe E. Këto ndihmojnë në reduktimin e dëmtimit të lëkurës nga radikalet e lira.